Subscribe në Ora Neës këtu http://bit.ly/1s5j7UT<br /><br />Krimi në familje goditi sërish. Këtë radhë viktimë mbeti një 42 vjeçare nga Kopliku i Malësisë së Madhe. Lumturi Bajrakurti u qëllua më sëpatë në kokë nga bashkëshorti, Ylber Bajrakurti pas një konflikti ende të paqartë mes tyre, i ndodhur në oborrin e banesës.<br /><br />Goditja ka rezultuar fatale për nënën e 3 fëmijëve, e cila ndërroi jetë në vend. Skena e rëndë e krimit është parë e gjitha nga fëmijët e çiftit, ndërsa policia e komisariatit Malësi e Madhe që mbërriti në vendngjarje, vuri në pranga 42 vjeçarin, që rezulton person me probleme mendore, pasi ishte trajtuar më herët në spitalin psikiatrik të Shkodres thonë burime policore.<br /><br />Gjithashtu në shoqërimin e psikologeve, u dërguan në komisariatin e Shkodres për tu marrë në pyetje edhe fëmijët e mitur, të cilët kanë parë ngjarjen e rëndë.<br /><br />Kanë qenë fqinjët e çiftit të cilët njoftuan policinë, pasi kishin dëgjuar debatin, e më pas britmat e gruas kur është qëlluar me sëpatë.<br /><br />Grupi hetimor bën me dije se përveç të afërmve e fqinjve që do të merren në pyetje për të mësuar shkakun e kësaj ngjarje, do të hetohet edhe kartela mjekësore e 42 vjeçarit, nëse ky i fundit do të duhej të trajtohej në kushte shtëpie, apo në spital.<br /><br />Si provë materiale është sekuestruar sëpata me të cilën Ylber Bajrakurtaj kreu krimin e rëndë.<br /><br />Policia bën me dije se nëse nuk do të ishte ndërhyrë në kohë, ky shtetas do të kishte arritur përmes afërsisë së shtëpisë me brigjet e liqenit, t?i ikte këtyre të fundit, duke e bërë më pas më të vështirë kapjen, pasi mund edhe të kishte kaluar në Malin e Zi.<br /><br />Për më shumë lexoni në: <br /><br />http://oranews.tv/article/krim-ne-familje-burri-vret-gruan-me-arme-zjarri-ne-koplik
