?Mos e gjyko një libër nga kopertina? thotë një shprehje, por dy vajza në Tiranë e kanë kthyer këtë shprehje në një biznes mjaft fitimprurës. Inesi dhe Klea, janë dy motra që i bashkon pasioni për librin.<br /><br />Prej dy vitesh ato kanë marrë iniciativën për ta bërë sa më interesante blerjen e një libri. Ato i paketojnë librat në një mënyrë shumë elegante dhe shënojnë sipër tyre vetëm tre fjalë që shpjegojnë gjithë thelbin e librit. Në këtë mënyrë, kushdo mund t'i bëjë vetes dhuratë një libër, pa e ditur se çfarë libri është, por duke u nisur vetëm nga tre fjalët që shpjegojnë thelbin e librit.<br /><br />Për mikrofonin e televizionit tonë, vajzat tregojnë se si u lindi kjo ide. Vajzat po e përdorin këtë nismë edhe për të promovuar autorët e rinj shqiptarë.<br /><br />Të dhurosh një libër është një zgjedhje e vështirë, por kjo nismë e vajzave ua ka lehtësuar jetën shumë njerëzve që nuk vendosin dot për të dhuruar një libër.<br /><br />Dhe për ta kthyer dhurimin e librave edhe në diçka trendy, përveçse në argëtim, ato kanë menduar për çdo gjë.<br /><br />Me të rinj si Klea dhe Inesi, që punojnë më aq dashuri dhe përkushtim për librin, duket se të bësh dhuratë një libër, qoftë edhe vetes, nuk del kurrë nga moda.
