http://www.vizionplus.tv<br />https://facebook.com/VizionPlusTV<br />https://instagram.com/vizionplustelevizion<br />https://twitter.com/VizionPlusTV<br />Qytetarët e Prishtinës janë mbledhur në sheshin kryesor para qeverisë, për të protestuar kundër ndotjes së ajrit.<br />Tubuesit, të cilët kanë vendosur maska, po bëjnë thirrje për një zgjidhje afatgjate për ndotjen qe është rritur ndjeshëm javët e fundit. Ata kërkojnë edhe transparencë dhe respektimin e standardeve mjedisore.<br /><br /><br /><br />Qytetarët ankohen se ky nivel i larte ndotjeje po rrezikon veçanërisht shëndetin e fëmijëve dhe të moshuarve.<br />Komuna e Prishtinës ka vendosur ndalimin e qarkullimit të automjeteve brenda qendrës që prej orës 6 të mëngjesit deri në orën 22. Ndërsa transporti sot është falas për të gjithë qytetarët.<br /><br /><br /><br />Ndërkohë debati për nivelin alarmant të ndotjes në Prishtinë, ka kaluar edhe në parlament. Kryesia e kuvendit ka vendosur mbajtjen e një séance të jashtëzakonshme në orën 15, ku do të diskutohet për marrjen e masave urgjente me qëllim uljen e ndotjes së ajrit.<br /><br /><br /><br />Jo vetëm Prishtina, por edhe Shkupi po vuan problemet me ndotjen e ajrit. Pavarësisht protestave të shumta, drejtuesit vendore dhe qeveria ende nuk kanë marrë një zgjidhje konkrete për këtë çështje.
