Subscribe në Ora News këtu http://bit.ly/1s5j7UT<br />Këshilli i Lartë i Drejtësisë bën me dije se ka nisur hetimin disiplinor ndaj gjyqtarit të Gjykatës së Tiranës, K.G, pas vendimin për lejimin e ekstradimit për shtetasin shqiptar Nezar Seiti në drejtim të Italisë. <br /><br />Me anë të një njoftimi, KLD bën me dije se ka vend për fillimin e hetimit disiplinor ndaj gjyqtarit për vendimin e marrë më 18 dhjetor 2017.<br /><br />"KLD njofton opinionin publik se nga shqyrtimi paraprak i ngjarjes, konstatohet se ka vend për fillimin e hetimit disiplinor për të verifikuar dyshimet e arsyeshme të ngritura në media dhe në opinionin publik për shkelje në procedurat gjyqësore të ekstradimit dhe që mund të përbëjnë shkelje disiplinore të gjyqtarit në Gjykatën e Rrethit Gjyqësor Tiranë.<br /><br />Nga ankesa publike dyshohet për shkelje të rënda profesionale që diskreditojnë rëndë figurën dhe pozitën e gjyqtarit sipas nenit 140 pika 2 të Kushtetutës (shkelje haptazi e nenit 491 pika 1 shkronja ?ç? dhe 498 pika 2 të K.Pr.Penale), të cilat nëse provohen se janë kryer, veç të tjerave përbëjnë shkelje disiplinore të parashikuar nga ligji.<br /><br />Në përfundim të hetimit disiplinor nga Inspektorati i KLD-së, publiku do të njihet me rezultatet e tij dhe do të ndiqen procedurat ligjore".<br /><br />Për më shumë lexoni në: http://oranews.tv/article/ekstradimi-i-nezar-seitit-kld-hetim-disiplinor-gjyqtarin-qe-dha-vendimin
