Ish-kryeministri Sali Berisha akuzoi kreun e qeverisë se ka arritur një marrëveshje pazar për detin me Athinën, duke i falur Greqisë fushat e pasura me naftë e gaz që sipas tij kanë qenë brenda kufirit detar të Shqipërisë.<br /><br />"Kjo është marrëveshje që bëhet strikt pazar. Në mënyrë të turpshme anuloi një marrëveshje për të bërë një pazar në të cilin i dha tani Greqisë të gjithë zonën e naftës e gazit, më të madhen në Jon e Mesdhe dhe nga 6 milje i dha 12 milje".<br /><br />Në emisionin ?Byro politike ? te gazetares Juli Xhokaxhi në Abc News, Berisha paralajmëroi se opozita nuk do e lejojë kalimin e kësaj marrvëveshjeje, ndërsa tha se pakti i detit i arritur me Greqinë gjatë qeverisjes së tij u godit nga një palë e tretë në Kushtetuese për llogari të Ramës.<br /><br />"Kam denoncuar vendimin si korruptiv për interes të palës së tretë. Pala e tretë është ajo që e bëri synet në topkapi Edi Ramën. Në mënyrë absolute ajo marrëveshje nuk kalon. Rama ta ketë të qartë të mos luajë me territorin e vendit se në mënyrë absolute çdo mjet do përdoret për mbrojtjen e tij dhe do përdoret në radhë të parë kundër Ramës".<br /><br />I pyetur në lidhje me hapjen e negociatave me Bashkimin Europian, ish-kryeministri për hërë të parë deklaroi se çështja ?Tahiri? është një kusht i vënë për Shqipërinë.<br /><br />"Tahiri kusht per negociata. Na e kanë thënë disa që ne e kemi kusht kryesor për hapjen e negociatave, Saimir Tahirin. Akti i ekstradimit të Nezar Seitit është dy herë më i rëndë sesa bllokimi i drejtësisë për Saimir Tahirin sepse ai po bëhej i penduar dhe dinte gjithçka se ishte njeriu i parave të bandës dhe me urdhër të Tahirit e morën".<br /><br />Një tjetër skandal, tha Berisha, është ai me kompaninë ARMO, teksa tregoi mekanizmin që sipas tij është përdorur për një vjedhje kolosale.<br /><br />"Rama toleroi se e mori Besoja i Ramës me qira, Sula çonte naftën në ARMO, e rafinonte dhe koston ia paguante ARMO dhe jo ndërmarrja e tij".<br /><br />Ish-kryeministri Berisha foli edhe për protetsën e 27 janarit, fryma e së cilës ai thotë se duhet të vijojë deri në largimin e Kryeministrit Rama.<br /><br />I pyetur në lidhje me zhvillimet në selinë blu, ish-lideri i demokratëve e cilësoi jetike për të ardhmen e Partisë Demokratike procesin e bashkimit të kontributeve, atë të bashkëpunëtorët që ai i cilësoi të çmuar në qeverisjen e tij dhe deputetëve të larguar nga kryetari aktual i demokratëve Basha.
