Thellohet skandali i shoqatave fantazmë që do të marrin pjesë në votimin për kreun ri të FSHF dhe Komitetin ekzekutiv më 7 Shkurt. Ndonëse u vërtetua se këto shoqata ata janë të paregjistruara në gjykatë, madje është bërë një kallëzim penal në Prokurorinë e Tiranës, sipas listës së delegatëve, këto shoqata do të votojnë sërish.<br /><br />Report Tv zbulon se skandali nuk qëndron vetëm në faktin e votimit, por pas 18 Janarit 2018 janë ndërruar shumica e emrave të delegatëve të cilët do të vendosin se kush do ta drejtojë FSHF 4 vitet e ardhshme.<br /><br />Kështu, nëse deri para 18 Janarit, në Zyrën Rajonale të Shkodrës votonte Armir Grima, në zgjedhjet e 7 shkurtit do të votojë Gëzim Martuci.<br /><br />Në Lezhë nuk është më Ritvan Kulli, por Eduart Tanushi, që çuditërisht nuk është as nga Lezha, por nga Laçi.<br /><br />Për Zyrën Rajonale të Gjirokastrës nuk do të votojë Astrit Mema, por Sadik Sadikaj nga Saranda.
