Subscribe në Ora News këtu http://bit.ly/1s5j7UT<br /><br />Paradite e përgjakshme në qytetin e Maceratës. <br /><br />Një makinë e tipit Alfa Romeo me ngjyrë të zezë ka shkaktuar panik gjatë paradites së sotme në rrugët e këtij qyteti duke terrorizuar banorët.<br /><br />Makina me në bord dy persona ka hapur zjarri në pika të ndryshme të qytetit kundër emigrantëve afrikanë. 6 persona kanë mbetur të plagosur disa prej të cilëve në gjendje të rëndë.<br /><br />Supozohet se shkaku lidhet me ngjarjen e disa ditëve më parë kur një vajzë 18 vjeçare ka mbetur viktimë nga vrasja me thikë nga një emigrant afrikan.<br /><br />Trupi i 18 vjeçares u gjet i bërë në copa brenda një valizhe të braktisur në rrugë.<br /><br />Makina Alfa Romeo 147 ka hapur zjarr në pika të ndryshme të qytetit e në afërsi të banesës së afrikanit autor i vrasjes së 18 vjeçares italiane.<br /><br />Kryetari i Bashkisë së qyteti i ka bërë thirrje qytetarët të mos dalin nga shtëpia deri sa situata të qetësohet.<br /><br />Policia italiane informoi se një person është arrestuar.<br /><br />Personi i ndaluar është një shtetas italian, banor i qytetit e në momentin e ndalimit ai mbante flamurin italian mbi trup duke thërritur Rroftë Italia.<br /><br />Ai është ndaluar pranë Monumetit të dëshmorëve në qendër të qytetit duke bërë gjestin fashist të përshëndetjes.<br /><br />Italiani ka pranuar autorësinë e ngjarjes.<br /><br />Bëhet gjithnjë e më e fortë hipoteza se motivi i kësaj ngjarje është hakmarrja ndaj komunitetit nigerian.<br /><br />Për më shumë lexoni në:<br />http://oranews.tv/article/itali-arrestoi-autori-qe-alarmoi-nje-qytet-te-tere-me-arme
