Subscribe në Ora News këtu http://bit.ly/1s5j7UT<br /><br />Ngadalësimi i depozitave gjatë 2017 ka ardhur si rezultat i interesit të qytetarëve për të investuar në letrat me vlerë të qeverisë shqiptare. Drejtori i Politikave Monetare, Erald Themeli, shpjegon se kjo ka ardhur e ndikuar nga norma e ulët e interesit ndërsa nuk është e njëjta tendencë për bizneset të cilat i kanë rritur depozitat.<br /><br />Letrat me vlerë të qeverisë po tërheqin gjithmonë e më shumë interesin e qytetarëve shqiptarë për të depozituar paratë.<br /><br />Drejtori i Politikave Monetare në BSH, Erald Themeli, shprehet se gjatë 2017 ka pasur një ngadalësim të kredive të individëve.<br /><br />Erald Themeli: Ajo që është e observueshme nga të dhënat monetare, rezulton një ngadalësim i ritmit të rritjes së këtyre depozitave, një ngadalësim do të thoja i ulët. Ashtu si edhe në 2017 edhe më përpara është vënë re një tendencë e zhvendosjes së kursimeve të individëve nga depozita në lekë, që është një tendencë e kursimit financiar. Në letra me vlerë të qeverisë, bono ose obligacione të thesarit, i cili është një instrument alternativ i tregut financiar, i cili ofron disa tipare më atraktive sepse ofron norma më të larta interesi. <br /><br />Nisur nga kjo tendencë, sipas Drejtorit të Politikave Monetare ka shkaktuar një dyfishim të nivelit të parave të investuara në letrat me vlerë.<br /><br />Erald Themeli: Norma bazë e interesit synon të krijojë kushte monetare të duhura në terma të normave të interesit dhe në terma të likuiditetit, për të nxitur kërkesën, konsumin dhe investimet nëpërmjet kreditimit.<br /><br />Pavarësisht ngadalësimit të depozitave, BSH argumenton se sistemi bankar mbetet likuid ndërsa nuk pritet që pjesën e parë të vitit të ketë rritje të normës se interesit.<br /><br />Erald Themeli: Sistemi bankar shqiptar vazhdon të mbetet atraktiv për tërheqjen e kurismeve financiare të ekonomisë shqiptare. Ky sistem gëzon likuiditet të bollshëm për t'i shërbyer nevojave të ekonomisë.<br /><br />Gjatë 2017, depozitat e bizneseve performuan me pozitivisht duke u rritur me mbi 6 mld lekë.<br /><br />Depozitat në mld lekë<br /><br /> 2016 2017<br /><br />INDIVIDËT 21.8 10.9<br /><br />BIZNESET 12.2 18.5<br /><br />Depozitat në total<br /><br />2016 39.5 mld<br /><br />2017 30.8 mld<br /><br />Për më shumë lexoni në:<br /><br />http://oranews.tv/article/depozitat-e-individeve-banka-e-shqiperise-shpjegon-arsyet-e-ngadalesimit-gjate-2017
