http://www.vizionplus.tv<br />https://facebook.com/VizionPlusTV<br />https://instagram.com/vizionplustelevizion<br />https://twitter.com/VizionPlusTV<br />Prokuroria mori sërish në pyetje 4 të arrestuarit për vrasjen e Devi Kasmit pak ditë më parë në Tiranë.<br /><br /> <br /><br />Seanca u bë në prani të avokatëve ndërsa mësohet se edhe kësaj here të arrestuarit mes tyre dhe ekzekutori i dyshuar grek, ish speciali i policisë Efthjimiou Efthimous mohuan përfshirjen e tyre në krim.<br /><br /> <br /><br />Por prokuroria mësohet se i lidh të dyshuarit nëpërmjet disa pamjeve filmike të sekuestruara në vendngjarje.<br /><br /> <br /><br />Mbrëmjen e 29 dhjetorit një furgon i bardhë me targa shqiptare doli nga rrugica pak çaste pas ekzekutimit të 41 vjeçarit Devi Kasmi.<br /><br /> <br /><br />Këtu hetuesit e kishin mjaft të lehtë identifikimin e pronësisë së automjetit e cila rezultoi në emër të një personi që punonte tokën ku ndodhej dhe baza e të arrestuarve.<br /><br /> <br /><br />Pas operacionit në banesën 1 katëshe në Kodër Mëzez u arrestua dhe Greku 42-vjeçar ndërsa në shtëpi u gjet arsenali i armëve tritolit e lëndëve narkotike.<br /><br /> <br /><br />Ndonëse nga hetimet del se sherri banal mes grekut e Kasmit mund të ketë çuar në vrasjen e këtij të fundit, hetuesit dyshojnë se ngjarja ndodhi pas prishjes së pazarit për drogën.<br /><br /> <br /><br />Kjo pasi në shtëpinë e viktimës u gjetën 3 kilogramë kokainë 2 prej të cilave e pastër. Lënda narkotike por edhe lëvizja e të dyshuarve me furgon për transportin e mallit mund të jetë dhe shkaku i eliminimit të Kasmit fare pranë shtëpisë së tij.
