Rikthimi i reshjeve përgjatë të shtunës, ka shkaktuar përmbytje në Fier, Vlorë, Krujë, Tiranë, Elbasan, Dibër, Lezhë dhe Kukës.<br /><br />Në Fier dalja e Vjosës nga shtrati ka përmbytur sipërfaqje bujqësore në Poçem dhe Frakull.<br /><br />Shtabet e Emergjencave së bashku me forcat e ushtrisë po punojnë për ngritjen e pritave përgjatë shtratit të lumit.<br /><br />Në Ferras disa familje ne rrezik u evakuuan.<br /><br />Në Gjirokastër një masiv dheu rrëshqiti në lagjen ?Granicë? duke depërtuar në brendësi të disa banesave.<br /><br />Një pjesë e rrugës u dëmtua.<br /><br />Nuk raportohet për të lënduar, ndërsa banorët janë evakuuar deri në marrjen e masave nga Emergjencat.<br /><br />Në Zall Bastar të Tiranës një furgon me pasagjerë dhe një autoveturë mbetën të bllokuar në mes të lumit. Forcat e ushtrisë ndërhynë për t?u ardhur në ndihmë pasagjerëve.<br /><br />Në Librazhd, dalja e Shkumbinit nga shtrati përmbyti toka bujqësore dhe izoloi qindra banorë, pasi prishi urën e Rrethit të Bardhë në Hotolisht.<br /><br />Disa shtëpi e lokale janë rrethuar nga uji në lagjen e ?Unazës?.<br /><br />Banesa të përmbytura ka edhe në Fushë-Krujë. Niveli i lumit Ishëm vazhdon të rritet.<br /><br />Mbi 500 hektarë tokë janë nën ujë në fshatrat Murqin, Bilaj, Mazhë e Madhe dhe Mazhë e vogël.<br /><br />Në zonën e Burrelit disa godina janë në rrezik shembje për shkak të shkarjeve të tokës. Një ndërtesë rrezikon edhe në Klos.<br /><br />Për t?u ardhur në ndihmë banorëve të zonave në rrezik, edhe Policia e Shtetit ka kaluar në gatishmëri të përforcuar.<br /><br />Sipas raportit të Emergjencave Civile, akset kombëtare janë të kalueshme, por ka vështirësi në Tepelenë-Gjirokastër.<br /><br />AKSET PROBLEMATIKE<br /><br />Tiranë-Dajt<br /><br />Mamurras-Ura e Drojës<br /><br />Krujë-Qafë Shtamë<br /><br />Rrapës të Pukës<br /><br />Klos ?Bulqizë<br /><br />Vanë, Delvinë<br /><br />Kuç-Vlorë<br /><br />Krahas përmbytjeve reshjet kane shkaktuar probleme me energjinë elektrike ne Elbasan, Gjirokaster e Vlore. OSHE thote se ka në gatishmëri 2 200 punonjës. Mbremë në Tropojë një elektricist humbi jetën duke u përpjekur të rregullojë një difekt të shkaktuar nga reshjet.<br /><br />Tv Klan
