Subscribe në Ora News këtu http://bit.ly/1s5j7UT<br /><br />Bashkia e Vlores nuk disponon banesa sociale për familjet në nevojë. E vetmja zgjidhje mbetet strehimi i tyre në kabinat e Plazhit të Vjetër, ndërtesa që nuk plotësojnë as kushtet minimale të jetësës. Shëndeti Publik, iu vendosi kyçin disa banesave, ndërsa banorët të gjendur mes katër rrugëve apelojnë për një strehë.<br /><br />"Unë jam nënë pa djalë, unë jam nënë pa motra dhe vëlla. Jam mes katër rrugëve".<br /><br />Është 81 vjeç dhe ka vetëm një apel, të strehohet në një banesë ku të kalojë ditët e pleqërisë. Para 3 muajsh Vasilika së bashku me të afërmit jetonte në këto godinë të rrënuar prej tre katesh në zonën e Plazhit të Vjetër.<br /><br />Drejtoria e Shëndetit Publik pas një kontrolli të ushtruar në banesë doli në përfundimin se mungonin kushtet higjenike dhe se ambienti i papërshtatshëm rrezikonte shëndetin e banorëve.<br /><br />81 vjeçarja e mbetur pa një strehë mbi kokë, dhe me probleme shëndetësore i kalon ditët tek familjarët, të cilët thonë se nuk mund të kujdesen për të për shkak të vështirësive ekonomike.<br /><br />"Ka tre-katër muaj që kanë dalë me lecka dhe me trasta nëpër duar. Ne jemi për veten tonë në kushte të vështira dhe nuk mundet ti strehojmë".<br /><br />Për më shumë lexoni në: http://www.oranews.tv/article/e-moshuara-e-pastrehe-ne-vlore-apelon-nje-cati-mbi-koke
