Vijon të jetë dramatike situata në Qarkun e Vlorës, për shkak të motit të keq me reshje masive shiu, që përfshiu vendin dy ditët e kaluara.<br /><br />Lumi Vjosa është kthyer edhe këtë radhë në makth për shumë banorë të fshatrave Fitore e Novoselë. Lumi ka dalë nga shtrati, duke përmbytur këto zona, ndërsa uji vijon të vërshojë edhe sot, duke rrezikuar edhe fshatin Bishan.<br /><br />Të gjitha rrugët janë të bllokuara dhe shumë banorë vijojnë të jenë nën pushtetin e ujit. Prezenca e ujit në banesa arrin në 1.5 metra në fshatin Fitore, ndërsa gjatë mbrëmjes së kaluar FA ka evakuuar 80 familje.
