Subscribe në Ora News këtu http://bit.ly/1s5j7UT<br /><br />Një grua humbi jetën, ndërsa katër persona të tjerë mbetën të plagosur në dy aksidente të rënda të shënuara në Elbasan në harkun e një ore. Viktima ishte mes tre këmbësorëve që po udhëtonin në zonën e rrethrrotullimit të Bradasheshit ku u përplasën nga një makinë në lëvizje. Më herët në të njëjtën zonë dy persona mbetën të plagosur si pasojë e përplasjes së dy makinave.<br /><br /> Një e vdekur dhe 4 të plagosur është bilanci i dy aksidenteve të rënda rrugore të regjistruara brenda një harku të shkurtër kohor në Elbasan.<br /><br />Një grua humbi jetën dhe dy të tjerë mbetën të plagosur rëndë, pasi u përplasën nga një makinë në lëvizje në rrethrrotullimin e Bradasheshit.<br /><br />Benzi i bardhë me targa AA 743 JA ka qenë duke hyrë në rreth rrotullim kur ka marrë para 2 gra të cilat po ecnin pranë njëra tjetrës dhe një burrë i cili ishte me biçikletë.<br /><br />Dëshmitarët në vendngjarje thanë se përplasja ka qenë e fortë dhe për pasojë këmbësorët përfunduan disa metra më tej në rrugë.<br /><br />Vjollca Stoçeni, 48 vjeçe banuese në Bradashesh, humbi jetën menjëherë në vendngjarje.<br /><br />Të plagosur kanë mbetur shtetasi me inicialet K.H 30 vjeç banues në Pogradec dhe Sh.F. 46 vjeçe banuese në Bradashesh.<br /><br />Ata janë dërguar në spitalin rajonal ku ndodhen në gjendje të rëndë.<br /><br />Ndërkohë drejtuesi i mjetit që shkaktoi aksidentin, një 35 vjeçar i identifikuar vetëm me inicialet Ilir. H u ndalua nga policia në kuadër të hetimit.<br /><br />Paraprakisht dyshohet se drejtuesi i mjetit që shkaktoi aksidentin ka humbur kontrollin e mjetit dhe është përplasur edhe më një mjet tjetër, të cilit i ka shkaktuar vetëm dëme materiale.<br /><br />Më herët në të njëjtën zonë dy persona mbetën të plagosur si pasojë të përplasjes së dy makinave.<br /><br />Për më shumë lexoni në:<br />http://www.oranews.tv/article/aksident-ne-elbasan-makina-perplas-3-persona-1-i-vdekur
