Subscribe në Ora News këtu http://bit.ly/1s5j7UT<br /><br />Prokuroria e Gjirokastrës ka hapur dosjen e nxehtë të lejeve dhe të ndërtimeve në kodrat e qytetit, ku tashmë disa objekte janë në rrezik shembje për shkak të rrëshqitjeve të tokës. Në verifikim do të kalojnë lejet dhe zbatimi i tyre, në një proces ku zëvendës/Ministri i Mbrojtjes kërkoi që të mos ketë tolerancë për këdo që do të gjendet në shkelje.<br /><br />Lejet dhe ndërtimet në Kodrën e Shtufit në Gjirokastër, ku një pallat dhe tre vila private rrezikojnë të shemben do të hetohen.<br /><br />Prokuroria e Gjirokastrës i thanë Ora News se hetimi do të jetë gjithëpërfshirës dhe nuk do të lërë jashtë skanerit asnjë institucion apo njeri të përfshirë në këto vendimmarrje.<br /><br />Të parët që do të përgjigjen do te jene përfaqësuesit e kompanisë që ka ndërtuar pallatin 7 katësh rreth 10 vjet më parë në zonën që në atë kohë mbizotërohej nga pishat.<br /><br />Përgjegjësi do të mbajnë edhe zyrtarët e shtetit, në rast se hetimi provon shkelje në dhënien e lejeve apo ndjekjen e zbatimit të tyre, garanci të cilën ua dha banorëve të prekur zëvendës/Ministri i Mbrojtjes, Petro Koçi.<br /><br />Por ndërsa hetimi pritet të nxjerrë përgjegjësitë ligjore nësë ka, banorët e pallatit nuk lejohen të qëndrojnë në shtëpitë e tyre për shkak të rrezikut të shembjes që mbetet prezent.<br /><br />Përballë kësaj vatre të re, krahas atyre në lagjen "Punëtori" apo kodrën e lagjes "Çfakë", kryebashkiakja e Gjirokastrës, Zamira Rami i ka kërkuar qeverisë shpalljen e gjendjes së emergjencës.<br /><br />Ky vendim do ti hapte rrugë ndërhyrjes së pushtetit qëndror përballë një situatë ku sipas kryebashkiakes Rami, bashkia e Gjirokastrës i ka mundësitë e kufizuara.<br /><br />Për më shumë lexoni në:<br />http://www.oranews.tv/article/rreshqitjet-hetim-te-plote-ndertimit-te-objekteve-ne-lagjen-kodra-e-shtufit
