Ndërprerja e reshjeve të shiut ka ndikuar në uljen e nivelit të lumenjve që dolën nga shtrati dhe përmirësimin e situatës në shumë zona të vendit. Lumi Vjosa është tërhequr në shtratin e tij.<br /><br />Që prej mëngjesit të së hënës ka rënie të nivelit të ujit në gjithë pellgun Levan-Ura e Mifolit-Novoselë.<br /><br />Në Ferras 150 shtëpi janë përmbytur. Situata është e njëjtë me përmbytjet e mëparshme dhe banorët akuzojnë për neglizhencë.<br /><br />"E kam nga shteti, nuk e kam nga Zoti..."<br /><br />Rruga kryesore nga Ferrasi në hyrje të Levanit është e pakalueshme. E vetmja mundësi është linja hekurudhore. Ushtria me mjete lundruese dhe kamionë qëndron në gatishmëri. E megjithatë një familje e ka kaluar natën në tarracë.<br /><br />"Hoqëm kalamajt dhe plakën dhe ne të tjerët pastaj ngelëm atje".<br /><br />Në Ferras, uji është në nivelin prej 1 metër dhe po tërhiqet gradualisht.<br /><br />2000 ha tokë janë nën ujë në një kohë që ai po grumbullohet në Darëzezë dhe Povelcë.<br /><br />Ndërsa në Novoselë të Vlorës, 77 familje janë evakuuar dhe 150 ha tokë është përmbytur. Situata më problematike është në fshatin Fitore.<br /><br />Banorët shprehen të shqetësuar për përsëritjen e kësaj situate.<br /><br />"Herën e parë dakord, nëse këtë radhë nuk kemi marrë asgjë, asnjë lloj ndihme. Të vish të shikosh aty 1 metër e ca ujë në shtëpi, të ikën mendja e kokës", shprehet një banor, ndërsa një tjetër shton: "Ne s'kemi hequr ende baltën e Dhjetorit"<br /><br />Problem mbetet qarkullimi nga qendra e Novoselës drejt fshatrave.
