Subscribe në Ora News këtu http://bit.ly/1s5j7UT<br /><br />Ndërprerja e reshjeve të shiut dhe tërheqja e ujrave të shtratin e Vjosës po ndikon në përmirësimin e situatës në zonat e përmbytura në Fier e Vlorë.<br /><br />Por tërheqja e ujit po zbulon përmasat e përmbytjes së dytë të madhe në harkun e dy muajve.<br /><br />77 familje me 350 banorë janë evakuuar nga banesat e tyre dhe 150 hektarë tokë janë nën ujë në Novoselë të Vlorës, ku në fshatin Fitore uji arrin deri në 40 cm lartësi. <br /><br />Kontrollet derë më derë të forcave të përfshira në operacion shpëtuan një 77 vjeçare e cila u gjet në gjendje të rëndë në banesën e saj dhe më pas u dërgua me ugjencë për ndihmë mjekësore.<br /><br />Situata mbetet e vështirë dhe nën monitorim nga Shtabet e Emergjencës, ndërsa në krye të operacioneve në terren qëndron prefekti Flamur Mamaj.<br /><br />Vetem një familje është vendosur në konviktin e shkollës industriale, ndërsa të tjerët janë transportuar me mjetet e ushtrisë tek të afërmit. <br /><br />Niveli i ujit po shënon rënie edhe në territorin e Bashkisë së Fierit, nën ujë janë 108 banesa, rreth 350 hektar tokë bujqësore dhe 40 hektarë me sera. <br /><br />Vëmendja është përqëndruar tek sigurimi i argjinaturave mbrojtëse, veçanërisht në Darzezë, ku edhe pritet të grumbullohet për evadim e gjithë sasia e ujit. <br /><br />Për më shumë lexoni në: http://www.oranews.tv/article/vjosa-del-nga-shtrati-ne-novosele
