Subscribe në Ora News këtu http://bit.ly/1s5j7UT<br /><br />Mbërriti e përpiktë në orar, ashtu siç kishte lajmëruar. Në orën 10.00 të së hënës, kryeprokurorja e përgjithshme e përkohshme Arta Marku, ju drejtua mjediseve të brendshme të prokurorisë së Shkodres.<br /><br />Në institucionin ku shërbeu për vite me radhë ajo mblodhi të gjithë vartësit, në analizën vjetore të punës, ku ndau edhe detyrat për këtë vit, i mbushur me sfida për organin e akuzës për shkak të reformës në drejtësi, por edhe ndryshimeve të bëra nga Marku. <br /><br />Burime për Ora News bëjnë me dije se Marku përpara prokurorëve, krerëve të gjykatave dhe drejtorit të policisë Shkoder, të cilët ishin ftuar në këtë analizë, ka kërkuar që i gjithë stafi i prokurorisë të njihet mire me reformën në drejtësi. <br /><br />Një nga kërkesat e Markut ka qenë që të tregohet kujdes gjatë punës dhe një nga sfidat kryesore është përmirësimi i imazhit të këtij institucioni, mësohet të jetë shprehur ajo. <br /><br />Gjithashtu kryeprokurorja ka kërkuar një maredhenie tjetër me publikun, duke qenë më i hapur ky institucion përballe problemeve që qytetarët kanë, e duke tentuar tu jepet zgjidhje. <br /><br />Në raport me median, ashtu siç edhe e ka shfaqur publikisht profilin e saj Arta Marku, ka kërkuar që të gjithë prokurorët të kenë kujdes në informacionet që dalin nga ky organ i akuzës, duke theksuar se në këtë pikë duhet të jetë prioritar zbatimi i ligjit dhe aq sa ky i fundit lejon, t?u bëhet publike zyrave të shtypit dhe gazetarëve. <br /><br />Për më shumë lexoni në: http://www.oranews.tv/article/arta-marku-takim-me-prokuroret-e-shkodres
