Subscribe në Ora News këtu http://bit.ly/1s5j7UT<br /><br />Reshjet e ditëve të fundit lanë një faturë dëmesh të pallogaritshme në Monumentet e kulturës. Dy ura të kategorisë së Parë, ajo e Ura Orgockës ne Kolonjë dhe ajo e Hoshtevës në Zagori u shembën plotësisht duke i hequr listës së pasurive dy vlera të parikuperueshme sipas ekspertëve.<br /><br />Shembja e Urës së Orgockës në Kolonjë është një prej humbjeve me vlera të pallogaritshme që reshjet intensive të këtij fillim shkurti i dhanë Monumenteve të Trashëgimisë Kulturore.<br /><br />Prurjet e rrëmbyeshme të Osumit, në rrethin e Kolonjës shembën plotësisht harkun e mbetur të urës.<br /><br />Dhe tashmë sipas ekspertëve çdo ndërhyrje mund ti riktheje asaj funksionin e lidhjes së dy anëve të lumit, por jo vlerat monumentale.<br /><br />Gjergji Koki: Ekzistojnë vetëm dy këmbë të kësaj ure për fat të keq, pjesa e harkut është shembur për shkak të motit të keq. Rikuperimi i saj do të ishte thjesht një rindërtim por jo se do të kthente vlerën monumentale të saj.<br /><br />Ura, Monument Kulture i kategorisë së parë, që vlerësohet të jetë ndërtuar rreth shekullit të 17, nuk kishte parë asnjë ndërhyrje restauruese nga ekspertët, përveç asaj të ushtrisë pas përmbytjeve të dhjetorit të kaluar.<br /><br />Gjergji Koki: Për shumë vite me rradhë aty nuk ka pasur asnjë lloj ndërhyrje të mirëfilltë restaurimi dhe mirëmbajtje.<br /><br />Fat të ngjashëm pati edhe ura Hoshtevës në Zagori të Gjirokastrës edhe pse për të këmbana e rrezikut që i kanosej kishte rënë prej kohësh.<br /><br />Për më shumë lexoni në:<br /><br />http://www.oranews.tv/article/prurjet-qe-demtuan-historine
