Opozita ka pranuar që të japë votën e saj për nismën ligjore të qeverisë lidhur me menaxhimin e integruar të burimeve ujore. Por nënkryetari i komisionit të veprimtarive prodhuese dhe pjesë e demokratëve, Florion Mima, kërkoi garanci në ligj që nisma për formalizimin e puseve të mos vendosë tarifë për konsumatorët familjarë apo fermerët.<br /><br />Për këtë propozim ra dakord edhe mazhoranca, por vetëm për puset të cilat janë në përdorim familjar.<br /><br />Komisioni vendosi që rregullimi i tarifës të bëhet me propozime për amendamente gjatë miratimit të ligjit në seancë pronare, dhe po ashtu një kërkesë do të dorëzohet që afati për vetëdekralimin e puseve, duke përjashtuar qytetarët nga penalitetet të zgjatet nga 6 muaj në 1 vit.<br /><br />Vetë përfaqësuesit e qeverisë pranuan që edhe përdorimi i burimeve ujore nëntokë ka tarifë, por më të ulët se ajo që vjen nga drejtoritë e ujësjellësit, ndërsa pas kësaj nisme do të lindë nevoja edhe për vendosjen e sahatëve.
