Epidemia gripale dhe fruthi po vazhdojnë të shënojnë rritje të numrit të rasteve të reja.<br /><br />Sipas të dhënave të institutit të shëndetit publik, për gjatë një jave kanë kërkuar ndihme mjekësore si pasojë e prekjes nga infeksionet e rrugëve të sipërme të frymëmarrjes dhe gripi rreth 20 mijë persona.<br /><br />Deri me tani nuk ka raste të rënda si pasojë e gripit, por specialistët pohojnë se ka disa raste me komplikacione si pneumoni dhe bronkopneumoni.<br /><br />Krahasuar me një vit më parë, numri i të sëmurëve është më i vogël. Ekspertet e Shëndetit Publik pohojnë se rastet do të vijnë në rritje përgjatë ditëve në vijim. Aktualisht në vend po qarkullojnë viruset të tipit AH1 N1 dhe B.<br /><br />Krahas gripit në rritje ka ardhur edhe numri i personave të prekur nga fruthi. Vetëm gjatë një jave janë regjistruar 10 raste të reja duke e çuar në 55 totalin e personave të prekur që prej janarit, kohe kur u rishfaq sëmundja infektive.<br /><br />Shumica e të sëmurëve janë fëmijë nën 1-vjeç, ndërsa ka edhe raste të fëmijëve me të rritur të cilët nuk kanë injektuar vaksinën në moshën 1-vjeçare.<br /><br />Në shërbimin infektiv, po ashtu ka edhe disa raste me fruth që i përkasin të lindurve në vitet 80-90, kohë kur vaksina mendohet se nuk ka bërë efektin e duhur.
