Rreth 15 persona të dyshuar se kanë lidhje apo dijeni mbi rrethanat e përgatitjes së atentatit me tritol ndaj Lulzim Kullës, më 13 Janar të këtij viti në Shkodër, janë shoqëruar gjatë natës nga policia e Elbasanit.<br /><br />Operacioni i policisë lokale është mbështetur nga FNSH-ja dhe RENEA. Mes të shoqëruarve është edhe Endrit Çopja, një nga personat që u arrestuan nga policia për incidentin e 8 Shtatorit të vitit të kaluar me Policinë e Elbasanit, pranë tregut Agro-Ushqimor.<br /><br />Po ashtu mësohet se janë shoqëruar edhe Argel Lulaj e Bruno. H, të tre banues në Elbasan. Sipas hetuesve, dyshohet se Çopja, Lulaj dhe Bruno H, jo vetëm që kanë dijeni, por dyshohet se edhe janë të përfshirë në atentatin ndaj Lulzim Kullës.<br /><br />Madje burimet e policisë thonë se është zbuluar edhe një automjet ?Mercedez-Benz?, që dyshohet se ka transportuar motorçikletën e përdorur për të hedhur në erë makinën e Kullës. Ende nuk ka të dhëna për motivin e përfshirjes së këtyre tre personave në atentat.<br /><br />Nga shpërthimi i 13 Janarit në lagjen "Rus" në Shkodër u plagosën 8 persona. Mes tyre në gjendje të rëndë në spital është edhe Lulzim Kulla.
