Subscribe në Ora News këtu http://bit.ly/1s5j7UT<br /><br />Këshilli i Lartë i Drejtësisë pezullon nga detyra tre gjyqtarë të Gjykatës së Apelit Durrës mes tyre kryetari i kësaj gjykate.<br /><br />Janë pezulluar nga detyra tre gjyqtarët: Petrit Çeno, Kliton Spahiu dhe Petraq Dhimitri. <br /><br />Prokuroria e Krimeve të Rënda ka nisur hetimet ndaj tre gjyqtarëve pasi dyshohet se kanë pranuar favore nga një biznesmen në këmbim të dhënies së një vendimi gjyqësor sipas kërkesës së sipërmarrësit.<br /><br />"Ky vendim erdhi pasi anëtarët e Këshillit u njohën dhe shqyrtuan informacionin e ardhur nga Drejtuesi i Prokurorisë së Shkallës së Parë për Krimet e Rënda, me datë 06.02.2018, ku njoftohej marrja si të pandehur të tre gjyqtarëve të sipërcituar" thuhet në njoftimin e sotëm të KLD-së.<br /><br />Duke qenë se një nga gjyqtarët e pezulluar ushtron edhe detyrën e kryetarit të Gjykatës së Apelit Durrës, Këshilli caktoi gjyqtarin Desart Avdulaj, për të ushtruar përkohësisht detyrën e kryetarit së kësaj gjykate. <br /><br />Nga hetimet e Prokurorisë rezulton se gjyqtarët dhe biznesmeni, Namik Sadik, të kenë udhëtuar jashtë vendit dhe parë ndeshjen e futbollit Real Madrid-Barcelona në tetor 2014, ndërkohë që kishin një proces të hapur me palë pikërisht këtë biznesmen.<br /><br />Për më shumë lexoni në:<br /><br />http://oranews.tv/article/kld-pezullon-tre-gjyqtaret-e-gjykates-se-apelit-durres
