Një fëmijë 7 muajsh i prekur nga fruthi është viktima e parë e kësaj sëmundje, që është rikthyer në Shqipëri pas 4 dekadash.<br /><br />Foshnja e lindur në Lezhë ka ndërruar jetë në shërbimin e Pediatrisë në Qendrën Spitalore Universitare, Nënë Tereza, të hënën, por lajmi është bërë publik vetëm këtë të premte.<br /><br />Sipas ekspertëve të Institutit të Shëndetit Publik, fëmija kishte edhe probleme pulmonare, çka e ka rënduar gjendjen shëndetësore.<br /><br />Deri më tani Instituti i Shëndetit Publik konfirmon se janë prekur 65 persona nga kjo sëmundje infektive.<br /><br />75% i përkasin fëmijëve të grup moshës nën 1 vjeç, të cilët janë të pambrojtur, pasi vaksina injektohet pas vitit të parë të jetës.<br /><br />Mes të infektuarve ka edhe të rritur, që i përkasin ditëlindjeve '80-90, kohë kur mendohet se vaksina nuk ka pasur efekt.<br /><br />Për këto grupmosha, Instituti i Shëndetit Publik po riafron vaksinimin në disa poliklinika.
