http://www.vizionplus.tv<br />https://facebook.com/VizionPlusTV<br />https://instagram.com/vizionplustelevizion<br />https://twitter.com/VizionPlusTV<br />Kur na ndajnë vetëm pak muaj nga vendimi i Bashkimit Europian për Shqipërinë, lideri i opozitës Lulzim Basha ka bere deklaratën e pare te qarte pro hapjes se negociatave për anëtarësim te Shqipërisë ne BE.<br /><br /> <br /><br />Basha ka zgjedhur ta japë këtë mesazh mbështetje ne reagimin e tij për strategjinë e zgjerimit duke theksuar se do te loboje pro Shqipërisë ne kete proces.<br /><br /> <br /><br />Ne duam që negociatat të hapen edhe pse vendi përballet me shqetësime të rënda dhe serioze nga një sërë vendesh anëtare të BE-së në lidhje me krimin dhe drogën me origjinë nga Shqipëria dhe me emigracionin e paligjshëm nga bashkëqytetarët tanë që kanë humbur shpresën dhe mundësitë të jetojnë në Shqipëri. Ne shpresojmë që këto probleme të mos ndikojnë në vendimin për negociatat nga vendet e BE-së dhe të mos pengojnë hapjen e tyre.<br /><br /> <br /><br />Basha ka përshëndetur strategjinë e zgjerimit te BE, por ka vene ne dukje edhe problematikat qe ky dokument ngre.<br /><br /> <br /><br />Raporti flet qartë dhe më forcë për kapjen e shtetit nga interesat private dhe lidhjet mes krimit të organizuar dhe qeverisjes, për probleme të rënda dhe serioze të korrupsionit, për shkeljen e të drejtave të njeriut dhe lirisë së medias, për ekonomi jokonkuruese që duhet të reformohet thellësisht, për mungesën e zgjedhjeve të lira dhe të ndershme dhe për shtypjen e rolit të opozitës politike.<br /><br /> <br /><br />Përgjatë muajve te fundit çështja e hapjes se negociatave ka qene pjese e debatit politik dhe replikave mes kryeministrit Edi Rama e liderit te opozitës Lulzim Basha. Ky i fundit ka deklaruar se shefi i ekzekutivit është përgjegjës nëse negociatat nuk hapen për shkak te situatës se krimit e drogës me te cilat përballet vendi. Por kjo është hera e pare qe Basha bën thirrje për hapjen e negociatave pavarësisht kësaj problematike.<br /><br /> <br /><br />Pas këtij pozicionimi te Partisë Demokratike, i gjithë spektri politik shqiptar është i unifikuar ne mbështetje te hapjes se bisedimeve për anëtarësim te Shqipërisë ne BE.
