Duke nisur nga muaji Prill qytetarët jo vetëm që do paguajnë më shtrenjtë taksën e banesës, sipas formulës së re, bazuar mbi vlerën që mbart, por do t'i shtohet edhe një barrë e re, që ka të bëjë me taksimin e garazheve, bodrumet, zyrat dhe magazinat që zotërohen nga qytetarët dhe bizneset.<br /><br />Sipas metodologjisë së shpërndarë tashmë për mendim nëpër bashki nga qeveria, mësohet se çmimi për një metër katror do të jetë sa 70 % e çmimit të sipërfaqes së ndërtesës së banimit.<br /><br />Nëse një qytetar që ka një shtëpi me 100 metra katror në zonën e Bllokut me vlerë 1500 euro metri katror, por ka edhe një garazh 15 metër katror, atëherë formula e llogaritjes së garazhit do të jetë 70% e 1500 euro shumëzuar me vlerën 0.05% që ka vendosur qeveria.<br /><br />Shoqata e Bashkive thotë se do t'i kërkojë qeverisë një nivel më të ulët taksimi për shtëpitë dhe njësitë e tjera, si bodrum dhe garazhe, pasi rëndojnë tepër xhepat e qytetarëve.<br /><br />Sipas Agron Haxhimalit, bashkitë nuk janë gati të mbledhin taksën në bazë të formulës së re dhe kjo do të krijojë edhe probleme ndaj duhet më shumë kohë në dispozicion.<br /><br />Si do të përcaktohet vlera reale e një banese për të llogaritur taksën që duhet të paguajë një qytetar?<br /><br />Qeveria ka vendosur që taksën e re të pronës nuk do ta paguajnë pensionistët e vetëm dhe familjet me ndihmë ekonomike.<br /><br />Tv Klan
