Subscribe në Ora News këtu http://bit.ly/1s5j7UT<br />Gjykata e Shkodrës i la në burg tre të arrestuarit e dyshuar për atentatin ndaj Lulzim Kullës e që la të plagosur edhe 7 persona të tjerë, kalimtarë të rastit. <br /><br />Në orën 09.00 të mëngjesit të së dielës nën masa të rrepta sigurie shtetasit Endri Çopja, Alger Lulaj dhe Serxho Teta dolën përpara trupës gjykuese të kryesuar nga Hasan Selimi, e me prokuror të çështjes Albert Murçaj si dhe avokat mbrojtës Genci Gjokutaj. <br /><br />Të akuzuarit mohuan në sallën e gjyqit se kanë qenë në Shkodër ditën e ngjarjes, me 13 Janar kur edhe ndodhi atentati mafioz. Por ata shkuan më tej duke deklaruar se në kryeqendrën e veriut nuk kishin ardhur asnjëherë.<br /><br />Burime nga seanca gjyqësore e cila u zhvillua me dyer të mbyllura bëjnë me dije se njëri prej tyre, i dyshuari kryesor i atentatit Alger Lulaj ka deklaruar se punon për bashkinë e Elbasanit, duke e furnizuar me mallra të ndryshme këtë institucion, ndërsa dy të tjerët kanë deklaruar se janë shitës në tregun e Elbasanit. <br /><br />Për më shumë lexoni në: http://www.oranews.tv/article/atentati-me-tritol-ndal-lulzim-kulles-tre-autoret-ne-gjykate
