Debate të ashpra mes zëvendësministrit të Arsimit Ervin Demo dhe dy pedagogëve Dhurata Shehri dhe Romeo Hanxhari lidhur me situatën në universitetin e Tiranës.<br /><br />Të ftuar në emisionin ?Debati në Channel One? të gazetarit Roland Qafoku, Shehri dhe Hanxhari akuzuan ministrinë e Arsimit si fajtore dhe të dështuar për reformën në arsimin e lartë duke e çuar situatën në këtë univeristet në kolaps të plotë.<br /><br />Ndërsa nga ana e tij zëvendësministri Ervin Demo, përveçse e hodhi poshtë këto, bëri akuza të rënda ndaj rektoratit si fajto për situatën.<br /><br />Dhurata Shehri deklaroi se bordi i administrimit të universitetit të Tiranës është përgjegjës direkt për situatën dhe 3 përfaqësuesit e qeverisë në këtë bord duhet të largohen.<br /><br />Shehri hodhi akuza të rënda edhe për qeverinë duke thënë se ajo synon të kontrollojë universitetin. <br />Romeo Hanxhari i cili dje refuzoi të tërhiqet pagën, tha se tashmë stafi i pedagogëve është në konflikt me të gjithë studentët sepse nuk mundet që pedagogët të paguhen nga pagesat e tyre.<br /><br />Hanxhari tha se duket sikur universiteti i Tiranës i ka zënë derën qeverisë.<br /><br />Pedagogu shkoi më tej duke thënë se ligji për Universitet publike ështe diskriminues, pasi i vendos në një cep dhe i grushton ndërsa universitet private i 'përkëdhel'.<br /><br />Romeo Hanxhari: ?Përfshirë forume të ndryshme, përfshirë forumin për lirinë akademike, sindikata, të gjithë kanë qenë në një zë që ai është ligj diskriminues për Universitetet publike sepse i vendos në një cep dhe i grushton ndërkohë që universietet private ai i miklon, i përkëdhel. <br /><br />Le tju jap vetëm detaj, ka krijuar konferencën e rektorëve, në të cilin bëjnë pjesë të gjithë rektorët e Shqipërisë dhe vetëm për universitetet publike ligji ka rregulla se çfarë quhet rektor."<br /><br />Ervion Demo, nga ana e tij bëri përgjegjës rektotarin edhe për faktin se ka refuzuar 4 herë auditimin e këtij institucioni. Sipas tij, kjo është një sfidë e arsimit të lartë dhe qeveria do ta arrijë këtë.
