Subscribe në Ora News këtu http://bit.ly/1s5j7UT<br /><br />Moti i keq ka përfshirë këtë të martë të gjithë vendin.<br /><br />Në zonat malore vijojnë reshjet intensive të dëborës që kanë shkaktuar bllokime në disa njësia administrative malore të Dibrës dhe Kukësit dhe probleme në rrugë në zona të tjera.<br /><br />Problematike mbetet situata në Trebisht, Ostren, Kalaja e Dodës e Lurë, ku trashësia e dëborës arrin deri në 50 centimetra.<br /><br />Rruga drejt Doganës së Trebishtit në kufi me Maqedoninë është bllokuar për shkak të rrëshqitjeve të dherave, siç tregojnë edhe këto foto të siguruara nga Ora News<br /><br />I pakalueshëm është edhe aksi Librazhd-Bulqizë, dhe Shkalla e Lunikut ? Steblevë ku trashësia e dëborës arin 50 cm.<br /><br />Në Qafën e Malit, në Pukë trashësia e borës ka arritur në 10 centimetra dhe këshillohet të shmangen lëvizjet pa zinxhirë.<br /><br />Moti i keq u rikthye edhe në qytetin bregdetar të Vlorës, ku era e fortë ka krijuar dallgë të fuqishme deri në 8 ballë.<br /><br />Situata ka alarmuar Kapitenerinë që ka udhëruar pezullimin e punës. Tregeti i linjës me Italinë ka dalë në Radë, ndërsa anijet e peshkimit janë udhëruar të mos dalin në det.<br /><br />Të martën, Instituti i Gjeoshkencave paralajmëroi për dy ditë me reshje intesive shiu kryesisht në juglindje e jugperëndim, të cilat do të rrisin ndjeshëm nivelin e ujërave në Lumejt Vjosa, Drino e Shushicë, të cilët kanë shkaktuar dy përmbytje masive këtë fillimviti<br /><br />Për më shumë lexoni në:<br /><br />http://oranews.tv/article/paralajmerohen-dy-me-reshje-intesive-shiu
