Pavarësisht kërkesës dhe këmbënguljes së artistëve, agjenda e Ministres së Kulturës nuk ndryshon. Mirela Kumbaro do t'i presë në institucionin që ajo drejton pasditen e së mërkurës në një takim të hapur për mediat.<br /><br />Deri tani sipas Ministrisë së Kulturës pjesëmarrja është konfirmuar nga një grup artistësh që dje nuk pranonin asnjë vend-takim tjetër përveç se Teatri Kombëtar, institucioni për të cilin artistët zhvilluan tre protesta.<br /><br />Hamendsimeve nga disa prej aktorëve dhe regjisorëve se në truallin ku ndodhet sot Teatri Kombëtar do të ndërtohet një kullë, ministrja e Kulturës u dhe këtë përgjigje.<br /><br />Takimi i së mërkurës u pri nga një takim i një përfaqësie të Sindikatës së Artistëve të Skenës dhe Ekranit me Avokatin e Popullit. Ky i fundit u angazhua që dialogu mes artistëve dhe Ministrisë së Kulturës për Teatrin Kombëtar dhe projektligjin për artin dhe kulturën të ndiqet nga një përfaqësues i tij.
