Pavarësisht nevojës që kanë qytetarët për të marrë shërbime pranë Hipotekës në Lezhë, veprimet janë bllokuar. Ministria e Drejtësisë nuk ka bërë ende emërimin e drejtorit të ri, duke paralizuar punën në sportele.<br /><br />Në këto kushte qytetarët ndeshen me refuzimin e punonjësve për të lëshuar dokumentacionin që u nevojitet, pasi mungon firma dhe vula e titullarit.<br /><br />Ish-drejtori Eraldo Smaçi dha dorëheqjen si drejtues i Hipotekës në Lezhë prej të paktën dy javësh, por Ministria e Drejtesisë ende nuk ka bërë zëvendësimin e tij. Qytetarët thonë se situata është e pakuptimtë, pasi nuk kanë as ku të ankohen për mungesën e shërbimit.
