Subscribe në Ora News këtu http://bit.ly/1s5j7UT<br /><br />Europa ja ka dalë të bëjë bashkë mazhorancën dhe opozitën duke miratuar me konsensus rezolutën e Komitetit të Stabilizim Asocimit që i dorëzohet Parlamentit Europian. Mazhoranca pranoi plot 9 amendamente të opozitës për shqetësimet kryesore që nga marrja e masave për shitblerjen e votës deri tek hetimi i politikanëve të lartë si njërëzit e zakonshëm, pa mbrojtje nga parlamenti. Drejtuesja e delegacionit europian në Komitetin e Stabilizim Asocoimit, Monica Macovei, u kërkoi politikanëve në Tiranë që të lënë menjanë sherret dhe të dialogojnë, në të mirë të vendit.<br /><br />Pak muaj para vendimit për çeljen ose jo të negociatave, mazhoranca dhe opozita gjetën konsensus duke miratuar në unanim rezolutën e Komitetit ndërparlamentar të stabilizim asocimit Shqipëri-BE.<br /><br />Votimi u zhvillua me dyer të mbyllura, por pas mbledhjes kjo u konfirmua nga socialisti Taulant Balla dhe demokrati Genc Pollo.<br /><br />Balla: Lajmi kryesor për ju sigurisht është fakti që të gjithë u bëmë bashkë, eurodeputetë dhe deputetë shqiptarë për tu kërkuar vendeve anëtare përmes Këshillit dhe Komisionit në rradhë të parë që të rekomandojë hapjen e negociatave me Shqipërinë, përcaktimin e një date për fillimin e negociatave.<br /><br />Pollo: Ne do të vazhdojmë në këtë rrugë edhe pse qeveria mund të vazhdojë me refrenin e saj se fajtore është opozita për gjithçka, përfshirë edhe integrimin europian. Janë faktet që flasin më shumë se deklaratat.<br /><br />Kjo ishtë mbledhja e 12 e Komitetit të Stabilizm Asocimit, ndërsa në 5 vite mazhoranca dhe opozita kanë gjetur vetëm 3 herë konsensus për nje rezolutë të përbashkët.<br /><br />Monica Macovei, e cila drejtoi delegacionin e parlamentarëve europianë, u kërkoi politikanëve në Tiranë që të lënë menjanë sherret dhe të dialogojnë, në të mirë të vendit.<br /><br />Për më shumë lexoni në: http://oranews.tv/article/takimi-i-be-se-pozita-dhe-opozita-behen-bashke
