Reshjet e borës që kanë përfshirë shumicën e territorit të vendit, kanë shkaktur probleme në aksin Prrenjas-Qafë Thanë duke bllokuar të gjithë automjetet të cilat nuk kanë pasur zinxhirë.<br /><br />Policia ka shkuar për të menaxhuar situatën duke mos lejuar qarkullimin e makinave pa zinxhir, duke krijuar një radhë të gjatë automjetesh prej më shumë se një kilometrash.<br />Ndërkohë në aksin Pogradec- Qafë Thanë, mjetet lëvizin me vështirësi. Mjetet borëpastruese po punojnë për të mbajtur të hapur aksin nacional.<br /><br />Gjithashtu po punohet edhe në segmentin në drejtim të pikës kufitare të Qafë Thanës.<br /><br />Lëvizja drejt Dardhës gjithashtu vetëm me zinxhirë, ndërsa në zonat e tjera të në rajonin Juglindor ka reshje shiu me intensitet të lartë.
