Artistet e njohura Inva Mula dhe Vikena Kamenica të pyetur nga gazetarja e Report Tv, Kristi Gongo për situatën aktuale të tensionuar kulturore, pas projektligjit të ri për artin dhe kulturën kanë deklaruar se sot në 2018 është e papranueshme dhe turp që artistët të punojnë në këto kushte, që të mos ketë teatër.<br /><br />Mula shprehet se kjo situatë duhet të ngrihet si problematike dhe të ndryshojë me doemos dhe kjo bëhet me bashkimin e forcave të artistëve. "Ky vend duhet ta fillojë nga kultura se është e vetmja pasqyrë e bukur dhe e pastër. Është i vetmi eksport i pastër shqiptar kudo në botë vetëm nga artistët. Është e dukshme, e prekshme që ti konfrontohesh me këto artistë të mëdhenj. Kemi artistët tanë të shkëlqyer që perfomojnë kudo në botë. Të mos ketë Shqipëria Teatër? Unë nuk e njoh këtë projektligjin dhe as nuk ma ka varur njeri(më fal që po flas kështu), por gjërat duhet të dalin të vërteta, të mos kamoflohen. Të dalin ashtu siç janë" ? ka theksuar sopranoja Mula.
