Reshjet shkaktojnë përmbytje në Vlorë e Lushnje<br />Bora bllokon disa akset drejt Thethit, probleme në Dibër e Korçë<br /><br />Reshjet e shiut u ndërprenë mesditën e së mërkurës, por situata mbetet problematike në Vlorë. Probleme pati në thuajse të gjitha rrugët lidhëse me bulevardin, po ashtu edhe në Novoselë.<br />Kamionë me inerte u shkarkuan në urën e Mifolit për të përforcuar mbrojtjen.<br />Në fshatin Imsht të Lushnjës, kanalet kulluese nuk përballuan, prurjet, duke përmbytur shumë banesa. <br />Banorët mbeten në ankth, pasi prurjet e Semanit duken më të mëdha se të muajit të kaluar. <br />Ndërsa në veri shumë zona janë në vështirësi për shkak të reshjeve të dëborës.<br />Kështu aksi Shkodër-Theth dhe rruga për në malin e Shoshit janë të bllokuara. <br />Në aksin Fushë Arrëz-Iballë kalimi i automjeteve kryhet me vështirësi. Rruga e Kombit është e kalueshme normalisht, ndërsa probleme janë shfaqur në segmentin Qafë Bualli-Martanesh dhe Ura e Çerenecit-Steblevë. Në Korçë aktualisht akset rrugore nacionale janë të kalueshme me përjashtim të aksit Boboshticë-Dardhë ku qarkullimi bëhet me zinxhirë.
