http://www.vizionplus.tv<br />https://facebook.com/VizionPlusTV<br />https://instagram.com/vizionplustelevizion<br />https://twitter.com/VizionPlusTV<br />Ky është biznesmeni 64 vjeçar Memli Begalla, i cili u ekzekutua me plumb në kokë mbrëmjen e së mërkurës në zonën e bllokut në Tiranë.<br />Sipas policisë e gjithë ngjarja dyshohet se ka ardhur për shkak të borxheve të pashlyera që biznesmeni u kishte disa personave. Hetimet zbuluan se 64 vjecari kishte disa kohë që kishte ndërruar edhe emrin nga Afrim në Memli Begalla.<br />Disa orë pas ngjarjes uniformat blu kanë marrë dëshmitë e familjarëve dhe fqinjëve të viktimës për të hedhur më shumë dritë mbi shkaqet dhe motivet e ekzekutimit.<br /><br />Edhe dy djemtë e Begallës janë pyetur për ndonjë konflikt të mundshëm të të atit me persona të tjerë. Por përpara uniformave blu ata kanë deklaruar se nuk kanë dijeni.<br /><br />Ndërkohë, në zonën ku ekzekutimi i biznesmenit ka vetëm dy kamera sigurie, të cilat janë sekuestruar nga policia.<br /><br /> <br /><br />Ngjarja e rëndë ndodhi mbrëmjen e së mërkurës rreth orës 21:00. Sipas policisë Memli Begalla u qëllua për vdekje me armë me silenciator nga disa persona ende të paidentifikuar në momentin që ai po hipte në makinë tij.<br /><br />Dyshohet se atentatorët kanë qëlluar nga një makinë tip ?BMW? e zezë, me të cilën më pas janë larguar me shpejtësi nga vendngjarja.
