Subscribe në Ora News këtu http://bit.ly/1s5j7UT<br /><br />Rreth 50 centimetra dëborë ka mbuluar qafën e Llogarasë në Vlorë, duke e bërë rrugën të kalueshme vetëm me zinxhirë.<br /><br />Policia ka përforcuar shërbimet në zonë dhe udhëzon drejtuesit e mjeteve të tregojnë kujdes për shkak të ngricave dhe mjegullës çka vështirëson lëvizjen.<br /><br />Ndërkohë edhe firma që mirëmban aksin ka angazhuar borëpastruse dhe mjete të tjera për të mbajtur të hapur rrugën.<br /><br />Në Juglindje, lëvizja e mjeteve është vështirësuar sërish nga reshjet e reja të dëborës dhe temperaturat e ulta.<br /><br />Akset kombëtare janë të gjitha të hapura, por në disa segmente lëvizja bëhet vetëm me zinxhirë<br /><br />Në Dardhë dëborë ka arritur deri në 30 centimetra, ndërsa në Voskopojë 10 cm.<br /><br />Në rrugën Qafë-Thanë ? Qafë-Plloçë e deri në Kapshticë dëbora arrin në 7 centimetra dhe lëvizja bëhet vetëm me zinxhirë.<br /><br />Problematike mbetet situata në zonat malore të qarkut të Dibrës, ku disa fshatra mbeten të izoluara dhe rrugët kalohen me zinxhirë.<br /><br />Në Kukës, reshjet e dëborës kanë pushuar, por rajoni është nën ndikimin e erërave të forta e temperaturave të ulta që kanë shkaktuar ngrica në rrugë.<br /><br />Akset kombëtare janë të gjitha të kalueshme. Fshatrat Zapod e Lojme mbeten të bllokuara, ndërsa në Has e Tropojë ka probleme me energjinë elektrike.<br /><br />Ndërkohë për shkak të reshjeve, një masiv shkëmbi u shemb gjatë natës në rrugën e Bushtricës ka penguar lëvizjen e mjeteve nga Librazhdi në Përrenjas për afro një orë. Ngjarja është regjistruar gjatë natës dhe fatmirësisht nuk shkaktoi pasoja, por situata mbetet e rrezikshme.<br /><br />Për më shumë lexoni në:<br /><br />http://oranews.tv/article/debora-mbulon-vendin-veshtiresi-ne-llogara-diber-e-kukes
