Subscribe në Ora News këtu http://bit.ly/1s5j7UT<br /><br />Aldo Ymeraj, 25 vjecar shqiptar i kërkuar nga Shtetet e Bashkuara të Amerikës si pjesë një grupi hackerash që ka vjedhur online të paktën 530 milion dollarë do ekstradohet.<br /><br />Ai dyshohet të jetë pjesë e rrjetit të quajtur ?Infraud?, i cili shiste të dhëna të vjedhura kartash krediti në internet, ku vetem Ymeraj dyshohet se ka arritur të vjedhë mbi1 1.5 milion euro duke thyer kodet e llogarive online.<br /><br />Gjykata e Fierit këtë të enjte e la 25 vjeçarin në burg pa afat me qëllim ekstradimin drejt Shteteve të Bashkuara të Amerikës, ku ai do të përballet me një seri akuzash të departamentit Amerikan të Drejtësisë<br /><br />Ymeraj u arrestua të hënën në Tiranë në kuadër të një operacioni që u zhvillua njëherësh edhe në disa vende të tjera të botës. Në njoftimin e posaçëm për grupin, Departamenti Amerikan i Drejtësisë tha se ata kanë cënuar miliona llogari bankare në të paktën 50 shtete.<br /><br />Ymeraj kishte arritur nëpërmjet pajisjes ?Skimmer? të klononte në Shqipëri rreth 1000 karta, llogari bankare si edhe transnksione online.<br /><br />Të pranishëm në seancën me dyer të mbyllura ishin edhe familjarët të 25 vjeçarit fierak, të cilët nuk pranuan të flasin për median, por jashtë kameras u shprehen se e dinin fatin të tij. Tashmë ata kërkojnë vetëm një takim të fundit me të para se ti dorëzohet FBI-së amerikane me pranga në duar.<br /><br />Me prindër të divorcuar, Aldo Ymeraj jetonte në lagjen Konferenca e Pezës në Fier, ku ndodshta ka ushtruar edhe një pjesë të veprimtarisë së paligjshme.<br /><br />Për më shumë lexoni në: http://www.oranews.tv/article/krimi-kibernetik-gjykata-e-fierit-vendos-ekstradimin-e-aldo-ymerajt-ne-shba
