http://www.vizionplus.tv<br />https://facebook.com/VizionPlusTV<br />https://instagram.com/vizionplustelevizion<br />https://twitter.com/VizionPlusTV<br />Shefi i diplomacisë greke Nikos Kocias i konsideron historike negociatat me Shqipërinë. Në një intervistë për mediat greke, ministri i jashtëm zbardhi edhe dinamikën e bisedimeve.<br /><br /> <br /><br />?Me Shqipërinë kemi mbyllur problemet që kishim në 70 vite. Këto negociata kane zgjatur 2 vite e gjysmë dhe kane patur ulje-ngritjet e tyre. E rëndësishme është që në negociatat mes Shqipërisë dhe Greqisë të fitojnë të dyja palët. Shqipëria do të jetë bashkëpunëtori më i rëndësishëm në rajon për Greqinë.?<br /><br /> <br /><br />Në jo pak raste, sipas Kocias, bisedimet mund të dëmtoheshin pa kthim<br /><br /> <br /><br />?Negociatat me Shqipërinë zgjasnin me orë të tëra, por për gjëra të vogla mund të hidhej në erë e gjithë marrëveshja paketë. Përpara një muaji mbyllëm me Shqipërinë të gjithë paketën e çështjeve të hapura dhe mendoj se është diçka e mirë.?<br /><br /> <br /><br />I pyetur për problemet kufitare me Turqinë, ministri i jashtëm grek iu referua edhe Shqipërisë.<br /><br /> <br /><br />?Erdoganin e nevrikos gjithë kjo historia e Zonës ekskluzive ekomomike me Qipron, si dhe ZEE në lidhje me Shqipërinë dhe Italinë. Presidenti turk Rexhep Taip Erdogan është shumë i nevrikosur, sepse Greqia është në negociata të mira me Shqipërinë e Maqedoninë. Përgjigjja më e mirë për Turqinë, është diplomacia greke me fqinjët. Erdoganin e nevrikos që po zgjidhim problemet me Shqipërinë.?<br /><br /> <br /><br />Sa i takon çështjes së emrit me Maqedoninë, Kocias sërish iu referua shqiptareve atje.<br /><br /> <br /><br />?Sinqerisht, më besoni, skenari më i keq për politikën e jashtme greke do të ishte shpërbërja e Maqedonisë. Do të kishim mbi kokë një Shqipëri të madhe me nacionalizëm agresiv dhe një Bullgari të madhe me nacionalizëm agresiv Shpesh them jashtë vendit se është një dhuratë e Perëndisë se ky shtet ekziston, por ishte perëndeshë e gabuar. Emri Republika e Maqedonisë së Vardarit është emri më i mirë për shqiptarët e Maqedonisë.?
