Presidenti serb e ka quajtur kompromisin me shqiptarët si interes jetësorë për Serbinë dhe popullin serb. Aleksandar Vuçiç, ka pritur studentët e Universitetit të Prishtinës që funksionon në Mitrovicën veriore dhe ka vlerësuar se kompromisi nuk do të thotë dobësi.<br /><br />"Ne serbët duhet ta kuptojmë se çdo kompromis, jo tolerim por kompromis me shqiptarët është interesi më i lartë i Serbisë dhe popullit serb. Duhet të kujdesemi për popullin tonë dhe ta shohim të ardhmen dhe ta dimë ç'mund të bëjmë".<br /><br /> Vuçiç ka thënë se megjithatë duhet një kompromis ku askush nuk do t'i fitojë të gjitha. Serbia është nën presion për ta njohur Kosovën.<br /><br /> "Për t'u futur në OKB duhet arritur marrëveshje me Serbinë dhe për të arritur deri këtu duhet të bëjmë kompromis, e jo të thuhet Serbia duhet ta njohë pavarësinë se ne kështu na pëlqen".<br /><br />Dialogu mes Kosovës dhe Serbisë, sipas Presidentit serb, do të vazhdojnë më 26 Shkurt dhe do të flitet për temën e asociacionit të komunave serbe, por një muaj më vonë dialogu pritet të jetë në nivel presidentësh.
