Subscribe në Ora News këtu http://bit.ly/1s5j7UT<br /><br />Një aksident tragjik përgjaku rrugën Shkodwr ? Velipojë, duke shuar gjysmën e familjes. Përplasja fatale e dy automjeteve kokë me kokë me njëra ? tjetrën la të vdekur 40 vjeçarin Edmond Preka, djalin 8 muajsh dhe vajzën 5 vjeçare, ndërsa të plagosur mbeten edhe bashkëshortja e tij 36 vjeçare Etleva Preka dhe vajza 10 vjeçare, të cilët po udhëtonin në mjetin tip Alfa Romeo me targë AA 474 NJ.<br /><br />Gjithashtu të plagosur rëndë mbeten edhe dy shtetasit e tjerë, Sokol Muja drejtues mjeti dhe Ndreke Gjergji që udhëtonin në Foristradën me targe AA292OL.<br /><br />Grupi hetimor që mbërriti në vendngjarje ka bërë me dije se shkak i aksidentit paraprakisht dyshohet të ketë qënë shpejtësia tej normave të lejuara dhe errësira në rrugë.<br /><br />Goditja ka qënë fatale, pasi siç shihet edhe në pamje dëmtimi i mjeteve është i lartë, veçanërisht i Alfa Romeos, ku udhetonte familja Preka.<br /><br />Fillimisht të gjithë të lënduarit kanë mbetur të plagosur, por sipas dëshmitareve në vendngjarje autoambulanca ka vonuar për më shumë se 30 minuta të mbërrijë, në vendin e quajtur ?Sektor? pranë kishës së Velipojës.<br /><br />Kjo ka rënduar gjendjen shendetësore të të plagosurve dhe mësohet se 40 vjeçari Preka gjeti vdekjen rrugës për në spital sëbashku me djalin e mitur.<br /><br />Ndërkohë në sallën e reanimacionit gjeti vdekjen edhe vajza tjetër.<br /><br />Për më shumë lexoni në: http://oranews.tv/article/shkoder-perplasen-dy-makina-nje-i-vdekur-dhe-nje-i-plagosur
