http://www.vizionplus.tv<br />https://facebook.com/VizionPlusTV<br />https://instagram.com/vizionplustelevizion<br />https://twitter.com/VizionPlusTV<br />Një ditë pas ish ministrit të transporteve Edmond Haxhinasto në dyert e prokurorisë së krimeve të rënda mbërriti dhe pasardhësi i tij Sokol Dervishaj.<br /><br /><br /><br />Ish ministri Dervishaj dha shpjegime për të njëjtën dosje atë të rrugës Tiranë Elbasan që për prokurorinë I ka shkaktuar buxhetit të shtetit një dëm prej 54 milionë dollarësh. Pas dy orësh dëshmi ai nuk foli për gazetarët.<br /><br /><br /><br />Mësohet se prokuroria thërriti dy ish-ministrat e LSI-së në cilësinë e personave që kanë dijeni për abuzimet me tenderat e autostradës.<br /><br /><br /><br />Për të njëjtën dosje në pranga kanë përfunduar ish kreu i autoritetit rrugor Dashamir Xhika dhe dy vartësit e tij.<br /><br /><br /><br />Njësoj si Haxhinasto edhe Dervishaj mësohet se u pyet lidhur me masat e ministrisë së transporteve pas raporteve të Kontrollit të Lartë të Shtetit, që konstatoi abuzimet me mënyrën si ishte zbatuar projekti.<br /><br /><br /><br />Për të njëjtën çështje në dhjetor të vitit 2017 ministri Damian Gjiknuri kallëzoi penalisht ish zyrtarët e autoritetit rrugor pasi nga auditi i kryer nga ministria e transporteve rezultuan 12 ndryshime kontratash pa u miratuar në Këshillin Teknik.
