Subscribe në Ora News këtu http://bit.ly/1s5j7UT<br /><br />Një grabitje me armë u shënua mbrëmjen e së martes në njësinë administrative të Dajçit në Shkodër. <br /><br />Persona të armatosur hynë në një banesë në fshatin Shirq ku grabiten automjetin tip ML me targë AA 267 NG që ishte i parkuar brenda rrethimit të oborrit, nje celular dhe dy armë çifte që familja kishte me leje. <br /><br />Kryefamiljari Mark Alia tregon orët e tmerrit që i është dashur të përjetojë atij dhe bashkëshortes, pasi të dy jetojnë të vetëm në vilën dy kateshe, ku autorët kishin hyrë duke e miremenduar skemën. <br /><br />Ata i kanë shkëputur lidhjet sistemit të alarmit, kanë thyer komandën e derës së oborrit dhe më pas me një hekur kanë hapur dritaren ballore, duke hyrë në shtëpi dhe lidhur në fyt kryefamiljarin. <br /><br />Dy autorët kanë qenë të maskuar dhe armatosur dhe ndonëse kanë tentuar të marrin edhe para, nuk kanë arritur të hapin kasafortën.<br /><br />Mark Alia tregon se njërin prej tyre e ka njohur, pasi babai i tij ka punuar në këtë shtëpi dhe i riu ka hyrë e ka dalë. <br /><br />Kjo ka qenë edhe arsyeja që autoret kanë vepruar lirisht, pasi kanë ditur detaje të skemës së shtëpisë, por edhe faktin se brenda saj ka dy të moshuar. <br /><br />Madje këtë të mërkurë i ati i njerit prej autorëve të dyshuar ka shkuar ti kërkojë falje për ngjarjen, por i moshuari thotë se falje për dhunuesin e shtëpisë nuk mund të ketë.<br /><br />Kamerat e sigurisë së banesës kanë regjistruar gjithçka dhe policisë i janë dashur vetëm 7 orë për t?i identifikuar dhe arrestuar autorët e dyshuar, Kristjan M dhe Juljan V. <br /><br />Në bashkëpunim me komisariatin numër 3 në Tiranë, pasi forcat blu gjurmuan përmes targës mjetin e grabitur dhe arritën tek autorët. <br /><br />Hetimet vijojnë pasi dyshohet se këto shtetas mund të jenë të përfshirë edhe ne ngjarje të tjera, që për policinë kanë qënë të regjistruara deri më sot pa autorë.<br /><br />Për më shumë lexoni në:<br />http://www.oranews.tv/article/maskat-grabisin-vilen-ne-shkoder-dy-personat-ishin-me-pistoleta
