Punonjësit për ndërtimin e By Passit në zonën e Vlorës dhe të Fierit janë ngritur sot në protestë. Me anë të protestës ata kërkojnë pagat e tyre. Punonjësit deklarojnë se janë mbi 1000 familje që kanë 16 muaj pa marrë pagat e tyre.<br />Njëri prej protestuesve deklaron për Report Tv se punonjësit janë drejtuar tek ARSH dhe në Ministrinë e transporteve, por nuk kanë marrë përgjigje mbi situatën. Kjo është arsyeja përse këtë herë vendosen të protestojnë para Parlamentit, duke sakrifikuar kështu më tepër para për arsye të transportit.<br /><br />Prostestuesit theksojnë se është hera e dytë që protestohet dhe paralajmërone se do të ketë edhe protesta të tjera, derisa situatës t'i jepet një zgjidhje.<br /><br />"Nuk mund të tallet njeri me djersët e 100 e sa familjeve", u shpreh protestuesi.<br /><br />Kreu i Partisë Demokratike ka mbërritur në protestë duke inkurajuar protestuesit që të vazhdojnë protestën deri në marrjen e pagave. Ai është shoqëruar nga deputetë të qarkut të Fierit.<br /><br />Një nga protestuesit i kërkon Bashës që të ngrejë zërin me forcë për ta dhe ky veprim të ketë rezultat.
