Projekti i dytë i paketës së qeverisë ?One Billion Euro? është aksi rrugor ?Thumanë-Fushë Krujë-Vorë-Kashar?.<br /><br />Rruga me gjatësi 20.8 kilometra është propozuar të ndërtohet nga kompania ?Gener 2?, e cila ka bërë edhe studimin e fizibilitetit të shoqëruar me një ofertë të pakërkuar në ministrinë e Infrastrukturës dhe Energjisë.<br /><br />Projektvendimi për dhënien e bonusit prej 8.5 pikësh për këtë kompani pritet të kalojë në mbledhjen e ardhshme të qeverisë. Pas miratimit të vendimit, autoriteti kontraktor do të hapë garën, por përparësinë do ta ketë shoqëria që fiton pikët më të larta.<br /><br />Bëhet fjalë për një projekt me vlerë 244,2 milion euro, ku të gjithë investimin do ta bëjë firma e cila do të marrë punimet, e më pas shteti do ta shlyejë atë pasi të marrë në dorëzim veprën.<br /><br />Kontrata do të jetë e formës partneritet publik-privat dhe ndërtimi i rrugës do të përfundojë pas 2 vjetësh. Kompania do të marrë po ashtu për 10 vjet mirëmbajtjen e veprës.<br /><br />Burime zyrtare shprehen se në kontratën që do të firmoset, ndërtuesi do të detyrohet të dorëzojë rrugën e ndërtuar pa defekte të fshehura, pasi në të kundërt do të përballoje vetë kostot.<br /><br />Projekti parashikon rehabilitimin e rrugëve që do të dëmtohen nga autostrada e re dhe ndërtimin e 12 urave.
