Subscribe në Ora News këtu http://bit.ly/1s5j7UT<br /><br />Në ngjarjen e dhunshme të së martës në Shirq të Shkodrës ka bashkëpunuar edhe nipi i zonjës së shtëpisë që u grabit. Gjykata e Shkodrës e la atë 12 ditë në qeli, ndërsa vendosi burg pa afat për dy autorët që pranuan fajësinë në gjykatë.<br /><br />Çifti i bashkëshortëve në Shirq të Shkodrës u grabit me bashkëpunimin e një të afërmi të familjes Alia.<br /><br />Ai është Altin Lukaj, nip i të zonjës së shtëpisë dhe është identifkuar nga kryefamiljari i grabitur dhe dhunuar me armë në kokë e litar në fyt.<br /><br />Këtë të premte, Gjykata e Shkodrës i la në burg tre të dyshuarit për ngjarjen e shënuar mbrëmjen e të martës.<br /><br />Kristjan Marashi dhe Julian Vatnikaj do të qëndrojnë në qeli deri në përfundim të hetimit, si autorë të grabitjes, çka e kanë pranuar në seancën me dyer të mbyllura ku dolën njeri pas tjetrit<br /><br />Ndërsa i riu me lidhje familjare me familjen e grabitur që akuzohet si bashkëpunëtor do të qëndrojë në burg 12 ditë, kohë që i është lënë prokurorisë për të provuar akuzën.<br /><br />Por ndërsa të rinjtë pranuan akuzat, avokatët mbrojtës kërkuan një masë më te lehtë sigurie, çka u hodh poshtë nga gjykata.<br /><br />Sipas prokurorisë së Shkodres e cila ka sekuestruar pamjet filmike të banesës ku ndodhi ngjarja, skema e autoreve ka qënë e miremenduar, pasi këto të fundit dinin detaje të shtëpisë, ku më herët kishin hyrë dhe dalë si punëtorë.<br /><br />Ata fikën sistemin e alarmit, kanë hyrë në banesë duke thyer dritaren ballore dhe të maskuar e nën kërcënimin e armëve kanë marrë dy çiftet dhe orën e dorës, ndërsa nuk kanë arritur të hapin kasafortën.<br /><br />7 orë pas ngjarjes u kapen në Tiranë nga forcat e komisariatit numer 3.<br /><br />Për më shumë lexoni në:<br />http://oranews.tv/article/mbeten-ne-burg-dy-grabitesit-e-viles-ne-dajc-pranojne-autoresine-ne-gjykate
