Kryetari i Partisë Demokratike Lulzim Basha vazhdon akuzat ndaj Kryeministrit Edi Rama se po tallet me familjet në neovjë të cilëve u ka hequr ndihmën ekonomike.<br /><br />Gjatë një deklarate për mediat nga selia blu, Basha u shpreh se askush nuk e beson Kryeministrin kur thotë se "një qytetar preferon 50 mijë lekë në vend të 400 mijë lekëve".<br /><br />Sipas Bashës, Rama përdor këtë argument për të mbuluar faktin se në Shqipëri nuk ka vende pune.<br /><br />"Nuk ka gjetur kohë të shkojë në një familje që i është hequr ndihma dhe t'i shohë në sy. Detyra e Kryeministrit nuk është t'i nënçmojë e të tallet me këto familje, por t'u japë ndihmën që u detyrohet me ligj. Edi Rama me qeverinë e tij në luks, vetëm për vizitën e tij në Berat kanë shpenzuar mjaftueshëm para për të mbuluar ndihmën ekonomike për familjet e varfra në Berat", shprehet kryedemokrati.<br /><br />Lulzim Basha u bëri thirrje qytetarëve që të ngrihen, duke shtuar se nuk duhet të pranojnë "moton e Edi Ramës, sa më shumë ju varfëroj aq më shumë ju sundoj".<br /><br />"Edi Rama u kërkoi shqiptarëve 'më punësoni, t'ju punësoj'. Shqiptarët kanë punësuar një parazit dhe hajdut", theksoi Basha. /tvklan.al
