Edhe pse nuk ka asnjë tabelë stacioni autobusi, mjetet e udhëtarëve ndalojnë në kundërshtim të rregullave të qarkullimi rrugor. Banorët e zonës së Golemit të detyruar presin buzë rrugës nacionale. Siç e shikoni dhe nga pamjet, udhëtarët zbresin në anë të rrugës.<br />Aksidentet që kanë ndodhur në këtë zonë janë të shumta dhe arsye kryesore kanë qenë pikërisht pritja e udhëtarëve. Aksidenti i mëngjesit për çudi nuk ka sjellë reagimin e Policisë Rrugore pasi mjetet vazhdojnë të ndalojnë ku të mundin.<br />Banorët e zonës shprehen se janë të detyruar të rrezikojnë për shkak të mungesës së një stacioni në këtë rrugë në të cilën lejohet shpejtësia deri në 80 km për orë. <br />Ky problem për ta vazhdon prej vitesh. Mungesa e një stacioni do të jetë gjithmonë një rrezik për jetën e tyre. <br /><br /><br />Klan Plus
