Subscribe në Ora News këtu http://bit.ly/1s5j7UT<br />Më 1 mars pritet që temperaturat të ngrihen dhe Shqipëria të përfshihet nga një mot i qëndrueshëm. Kështu shprehet për Ora News, Petrit Zorba, një nga përfaqësuesit e IGJEUM. Ai shton se në 2-3 ditët e ardhshme priten rreshje dëbore në zonat malore, por që nuk do të përbëjnë problem të theksuar.<br /><br />Temperaturat e ulëta dhe reshjet e dëborës që mbërthyen këtë të dielë Shqipërinë nuk ishin të pa parashikuara.<br /><br />Por ajo që sinoptikanët parashikojnë tashmë është se sa do të zgjasë ky dimër i vonuar.<br /><br />Sipas parashikimeve të ekspertëve të IGJEUM, temperaturat pritet të ndryshojnë në ditën e parë të muajit mars dhe prej asaj dite Shqipëria do të përfshihet nga një mot i qëndrueshëm.<br /><br />Petrit Zorba: Direkt pas këtyre dy ditëve me temperatura relativisht të ulëta, nuk mund të themi ekstreme, kemi një ardhje dhe mbizotërim të rrymave ajrore me drejtim nga jugu i Mesdheut të cilat do të përcjellin temperatura relaitivisht të larta dhe një ngrohje të menjëhershme duke filluar nga data 1 mars e tutje që do të thotë që edhe këto reshje dëbore që mund të kenë prekur zona të caktuara të vendit do të kenë një shkrirje të shpejtë.<br /><br />Ekspertët parashikojnë se në 2-3 ditë reshjet e dëborës do të vijojnë, sidomos në zonat malore, kurse zona e jugut do të përfshihet nga reshjet e shiut.<br /><br />Për më shumë lexoni në: http://oranews.tv/article/i-ftohti-iken-te-premten-temperaturat-deri-10-grade
