Këto janë momentet e arrestimit të Ardin Serezit dhe Denis Demirit, që sipas policisë janë vrasësit e biznemenit Memli Begalla, më 14 Shkurt 2018.<br /><br />Policia publikoi edhe pamjet e një kamera sigurie në momentin para dhe pas vrasjes së Begallës, teksa zbresin dhe hipin në mjetin e tyre tip BMW.<br /><br />Edhe ky automjet u bllokua nga policia siç shihet në këto pamje.<br /><br />Pasi kanë zbritur nga makina ata e ndoqën biznesmenin siç tregon kjo video e marrë nga një tjetër kamera sigurie<br /><br />Denis Demiri, i njohur edhe me emrin Alban Demiri, si dhe Ardian Serezi, të cilët i shihni në këto foto, u arrestuan mbrëmjen e të dielës nga policia e Tiranës, me akuzën e vrasjes me paramendim dhe në bashkëpunim.<br /><br />Alban Demiri u kap në lokal në rrugën ?Ali Baushi? pranë ?Kodrës së Priftit? në Tiranë, ndërsa Ardian Serezi, kur po udhëtonte me një taksi në drejtim të Tufinës.<br /><br />Ata dyshohet se kanë kryer vrasjen e Begallës të paguar nga persona të tretë. Policia thotë se motivi janë borxhet e pashlyera nga viktima dhe se ka edhe persona të tjerë të dyshuar.<br /><br />"Dyshohet se pista kryesore ku janë fokusuar hetimet është ajo e borxheve që nuk kishte shlyer viktima. Për arsye hetimore, nuk mund të bëjmë me dije të dhëna të tjera në lidhje me mekanizmin apo rolet si dhe përfshirjen e personave të tjerë në këtë ngjarje".<br /><br />Hetuesit thonë se ka prova shkencore që i përfshijnë dy të akuzuarit në këtë krim. Sipas hetuesve janë interceptuar biseda telefonike të dy të dyshuarve. Po ashtu janë gjetur edhe prova biologjike në vendin e ngjarjes që dyshohet se iu përkasin dy të dyshuarve.<br /><br />Policia tha se ka prova të padiskutueshëm që përfshijnë Serezin dhe Demirin në vrasjen e biznesmenit. <br /><br />Ardian Serezi është personazh i njohur për policinë. Ai ka qenë vetë pjesë e uniformave blu nga ku u përjashtua në vitin 2014, pasi u përfol për lidhje me një ngarkese prej 1 ton kanabis të kapur në Gjirokastër.<br /><br />Tv Klan
