http://www.vizionplus.tv<br />https://facebook.com/VizionPlusTV<br />https://instagram.com/vizionplustelevizion<br />https://twitter.com/VizionPlusTV<br />Një ditë para se Kuvendi i Kosovës të mbajë seancën e jashtëzakonshme për demarkacionin, ndërkombëtarët bënë sërish apel për t?i dhënë zgjidhje përfundimtare çështjes së kufirit.<br /><br /> <br /><br />Shefja e zyrës së BE në Kosovë, Natalya Apostolova ka takuar kreun e kuvendit Kadri Veseli, duke theksuar se deputetët nuk duhet ta humbasin mundësinë për ta votuar nesër projektligjin.<br /><br /> <br /><br /> ?Javët e fundit keni patur zhvillime të rëndësishme në lidhje me ratifikimin e marrëveshjes me Malin e Zi. Së pari marrëveshja e nënshkruar mes dy presidentëve Thaji dhe Vujanovic si dhe marrëveshja mes partive politike. Ratifikimi duhet të bëhet dhe do të jetë një hap i rëndësishëm drejt liberalizimit. Duhen akoma përpjekje, por ratifikimi i Demarkacionit na afron me liberalizimin e vizave. Dëshirojmë që Kosova të jetë një vend më i mirë. Dua t?ju them që të mos e humbisni rastin nesër. Ju lutem na ndihmoni në mënyrë që edhe ne t?ju ndihmojmë juve?.<br /><br /> <br /><br />Ndërsa kreu i kuvendit Veseli tha se është i bindur që demarkacioni do të votohet nesër dhe se Kosova do të jetë një hap më pranë familjes europiane.<br /><br /> <br /><br /> ?Ne në histori kemi humbur shumë shanse, por s?do të pranojmë më. Kosova është e orientuar nga Bashkimi Evropian 100%. Ne do të përmbyllim çdo obligim që del nga BE-ja. Liberalizimi duhet të ndodhë në të njëjtën kohë edhe ratifikimi i Demarkacionit do të votohet. Qytetarët kanë nevojë për një lajm të mirë dhe ne këtë lajm do ta sjellim nesër.?<br /><br /> <br /><br />Nesër në Kosovë do të mbërrijë edhe presidenti i Komisionit Europian Jean Claude Juncker, si komisioneri për zgjerimin dhe fqinjësinë Johanes Hahn si dhe përfaqësuesja e Lartë e BE për Punë të Jashtme dhe Politika të Sigurisë, Federica Mogherini.
